Олма когыль, солянке, чай… — 2 июля 2026 г. в 09:51:48.134
Олма когыль, солянке, чай… Россий УФСИН-ын Марий Элысе подведомственный учрежденийлаштыже шинчыше-влак коклаште повар мастарлык конкурс эртен. Тудо уголовно-исполнительный системысе тыллан 160 ий теммым пайремлымылан пӧлеклалтын. Конкурс кум номинацийыште лийын: «Эн сай тематический кочкыш», «Эн сай национальный блюдо» и «Эн сай десерт». Участник-влак кеч-могай блюдым ямдылен кертыныт. Тидлан 1-4 шагатым кучылташ лийын. «Эн сай десерт» номинацийыште 4 №-ан исправительный колоний гыч осуждённый Иван Соловьев олма когыльыж дене сеҥен. «Национальный кочкыш» номинацийыште кок еҥ сеҥышыш лектын: тувыртыш когыльым ямдылыше Расул Богбеков (ИК-3) да тӱрлӧ специй полшымо дене ферганский пловым шолтышо Сергей Столяров (СИЗО-1). «Тематический кочкыш» номинацийыште Юрий Царевский (ИК-6) палемдалтын. Тудо шкешотан тамле солянкым ямдылен. Гран-прим 7-ше №-ан колоний-поселений гыч Дарья Хирина налын. Тудо иканаште тыловой солянкым, чеснокан тар пучымышым, йӱшто закускым да десертым (тамле кешыр чайым) темлен. Россий УФСИН-ын Марий Эл Республикысе пресс-службыжо