👉 «Таир — 2026» — 30 июня 2026 г. в 16:39:42.890
👉 «Таир — 2026» 26 июнь гыч 3 июль марте «Таир» каныме да тазаҥдыме рӱдерыште «Цифровая культура и эмоциональный интеллект педагога. Вызовы транзитивности» самырык педагог ден наставник-влаклан кеҥежымсе школ эртаралтеш. ❗17 ий жапыште педагог-влакын кеҥежымсе тыгай школышт Россий кӱкшытан форум марте кушкын шуын. Тушко теният шуко туныктышо ушнен. Нунылан квалификацийыштым нӧлталме кугу программе темлалтеш. Участник-влаклан тидым пеҥгыдемдыше удостоверенийым кучыктат. Форумышто кугу тӱткыш образованийын цифровизацийжылан ойыралтеш. Вет таче туныктымо пашаште туддеч посна огеш лий. Тыгодым туныктышо-влак цифровой инструмент дене пашам кӱлеш семын ыштен кертшаш да тыгодымак ученик дене ӱшанле вашкылым ыштен моштышаш улыт. Марий Элыштат образованийыш цифровой инфраструктур эркын шыҥен пура. «Региональный программе-влак кӱшеш ме школ-влаклан тачысе оборудований-влакым налына, образовательный платформо-влакым илышыш шыҥдарена, педагог-влакым у технологий почеш пашам ышташ туныктена. Тыгодым палыман: цифровой трансформацийын лектышыже технике деч гына огыл, а сай качестван туныктышо состав дечат шога», - каласен Республикысе Образований да науко министрын алмаштыже Андрей Сушенцов. Республикысе Образований да науко министерстве