«Город-лес» - олана эшеат моторрак лиеш! — 9 июля 2026 г. в 12:10:35.286
«Город-лес» - олана эшеат моторрак лиеш! Йошкар-Ола администрацийыште «Город-лес» паркын концепцийже почеш йӱклымаш кузе эртыме нерген пресс-конференций эртен. Йодыш-влаклан Йошкар-Ола мэрын пашажым жаплан шуктышо Антон Трудинов вашештен. Тидын шотышто йӱклымаш 1-8 июльышто Госуслуги порталыште эртен. 7411 еҥ йӱклен. Тушеч 6637 еҥже (89,6%) ты проект кӱлеш манын каласен. Тыгодым тудым эше кузе сайракым ыштыме шотышто 2077 предложений пурен. Еҥ-влак пешеход ден велосипедист-влаклан посна корно-шамыч лийышт манын темленыт, йоча да спорт площадкылаште тачысе кечылан келшыше петыртышым вучат. Кугу тӱткышым пӱртӱсым арален кодымылан ойыреныт. Антон Трудинов палемден: - пляж олан территорийже семынак кодеш, да тушко яра пураш лиеш; - чыла кӱлешан коммунальный инфраструктур оласе сетьыш ушымо лиеш; - еҥын чурийжым палыше видеонаблюдений камерым шындаш шонат. Олана эшеат моторрак лиеш! Антон Трудиновын ВК-се лаштыкше гыч