Студент-влакын чапле пашашт — 9 июля 2026 г. в 07:54:02.387
Студент-влакын чапле пашашт 7 июльышто Марий Эл Республикысе Правительстве Вуйлатышын алмаштышыже-тӱвыра, печать да калык-влакын пашашт шотышто министр Константин Иванов «Память» Афганистанысе сар да локальный конфликт-влак историй тоштерыште лийын. Тиддеч ончыч музейыш пурымо группым Йошкар-Оласе художественный училищын студентше-влак сӱрет дене моторын сӧрастареныт улмаш. А ты кечын тудын презентацийже эртен. 15 июнь гыч 6 июль марте 1-ше курс гыч 19 студент, «Движение Первых» толкынын участникше-влак 40 квадрат метр кумдыкым военно-патриотический темылан яра сӧрастареныт. Константин Анатольевич студент-влакын пашаштым кӱкшын аклен да нуным мокталтен. Республикысе тӱвыра министерстве
38 просмотров