Сеҥымашлан ямдылалтыт — 15 июля 2026 г. в 08:06:22.476
Сеҥымашлан ямдылалтыт 4-14 июльышто Краснодар крайысе Шепси посёлкышто Россий кӱкшытан «Мастерская успеха» тренинг-лагерь эртен. Тудым Россий Минпросвещенийын профсоюз организацийже эртара. Лагерьыш уло элна гыч «Идалыкын туныктышыжо», «Идалыкын воспитательже», «Идалыкын мастерже», «Икымше туныктышо», «Шӱмемым йоча-шамычлан пуэм», «Айдемым воспитатлаш», «Шочмо йылмым туныктышо» конкурс-влакын финалистышт погыненыт. Марий Эл гыч кыдалаш профобразований аланысе пашаеҥ-влак коклаште эртыше «Идалыкын мастерже» конкурсышто сеҥыше, Йошкар-Оласе строительный техникумышто англичан йылмым туныктышо Евгения Сергеевна Бахтина лийын. Педагог-влак уло кумылын интенсивный образовательный сессийлашке, мастер-класслашке да усталык мероприятийлашке ушненыт, шке уш-акылыштым пойдареныт. 28 сентябрь гыч 2 октябрь марте Ямало-Ненец АО-со Новый Уренгой олаште «Идалыкын мастерже» конкурсын финалже лиеш. Е.Бахтина тушто Марий Элын чапшым аралаш тӱҥалеш. Ты конкурс «Молодёжь и дети» нацпроектын «Профессионалитет» федеральный проектше кӱшеш эртаралтеш. Республикысе образований да науко министерстве