Йошкар-Оласе Строитель-влак уремыште верланыше 27-ше №-ан школлан тений 50 ий темеш. — 14 июля 2026 г. в 08:01:53.685
Йошкар-Оласе Строитель-влак уремыште верланыше 27-ше №-ан школлан тений 50 ий темеш. Но тыште лӱмгечым палемдаш огыт вашке, вет кугу тӧрлымӧ да ачалыме паша кая. Тудо «Молодёжь и дети» национальный проект кӱшеш шукталтеш. Тошто школ гыч зданийым кучен шогышо пырдыж (несущий манме) гына кодеш, молыжым чыла вашталтат. У окна, у омса, у учебный оборудований, турникет ден видеонаблюдений системе да молат... Паша шуко. Кок тунемме блок, 1600 наре ученик сай условийым вучат. А тений нуно вес школлаште шинчымашым тапташ тӱҥалыт. Ты кугу сомылым «Маристрой» ООО шукта. 2027 ий февраль марте ачалыме пашам пытараш задачым шындыме, палемда МАХ-ысе шке лаштыкыштыже Йошкар-Ола мэрын пашажым жаплан шуктышо Антон Трудинов. А кызытеш Йошкар-Оласе ныл школышто капитальный ачалымаш паша кая. 9А ден 6-м микрорайонлаште у школ-влак чоҥалтыт. Нуно 2027 ийыште йоча-шамычым вашлийшаш улыт.