ТӰРЛӦ КАЛЫК – ИК РОССИЙ 🇷🇺 — 25 июля 2026 г. в 06:09:01.555
ТӰРЛӦ КАЛЫК – ИК РОССИЙ 🇷🇺 👋Кряшен-влак, салам! Кряшен-шамыч тынеш пурышо улыт да юл-урал татар-влакын православий йӱлам шуктышо этноконфессиональный группыжлан шотлалтыт. Нуно утларакшым Татарстаныште, тыгак Башкортостаныште, Удмуртийыште, Челябинск, Самара да Киров кундемлаште илат. Кряшен-шамычым кызытсе этнологий татарлан шотла. Кряшен-влак татар калыкын субэтнический группыжо статусым налыныт. Туге гынат шкеныштым посна калыклан шотлат. Шуко кряшен татар йылмын казанский диалектше дене мутлана. Тӱҥ ойыртем – калык мутланымаште тошто годсо татар шомаквлакым кучылтеш. Ожно кряшен-влак Н.И.Ильминскийын алфавитшым кучылтыныт. Руш алфавит дене таҥастарымаште Ильминскийын алфавитыштыже ныл ешартыш буква лийын. Этнограф-влакын шымлымышт почеш, йылме да культур ойыртемлан кӧра вич этнографический кряшен группым (казанско-татарский, елабужский, молькеевский, чистопольский, нагайбак) ойыраш лиеш. Кажне группын – шке поян историйже, тӱвыраже, йылме ойыртемже. Кряшен-влак утларакшым провославий йӱлам шуктат. Калык XIX курымын поэтше Яков Емельянов дене кугешна, шке коклаштышт тудым Мурызо Яков маныт. Ты кряшен поэтын 1879 ийыште «Стихи на крещённотатарском языке. Дьякон Я.Емельянов стихлары» кок почеламут сборникше савыкталтын. 2008 ийыште Татарстан Республикысе кучемын полшымыж дене кряшен-шамычын «Бермянчек» кугыжаныш фольклор ансамбльышт шочын. Кряшен-шамыч вольыкым онченыт, пасу пашам шуктеныт. Йытын ден кынем ӱден, куштен, куэмым ямдыленыт. Пу пӧртыштӧ иленыт. «Йошкар лукышто» йӱла почеш юмоҥам да шнуй книга-влакым вераҥденыт. Кряшен ӱдырамашын вургемже – кужу йошкар тувыр, ончылсакыш да ойыртемалтше вуйчием. Тудын гоч ӱдырамашын статусшо шинчалан вигак коеш. 📸 Википедий гыч налме фото.