🏫Волжский округысо Пӧтъял школысо агроклассым у оборудований-влак дене пойдарат. Тыште... — 24 июля 2026 г. в 08:11:05.553
🏫Волжский округысо Пӧтъял школысо агроклассым у оборудований-влак дене пойдарат. Тыште у тунемме идалыклан поснак чот ямдылалтыт. «Технологическое обеспечение продовольственной безопасности» нацпроектлан кӧра тунемме кабинет-влакым уэмдат, а агроклассым кызытсе илышлан келыштаралтше оборудований дене пойдарат. Ынде тунемше-шамыч теорийыште налме шинчымашым вигак практикыште тренироватлен кертыт. Агроклассын ик эн ойыртемалтше экспонатше – «Трактор» тренажёр. Тыгак тӱрлӧ кушкылым кушташ да шымлаш изи лабораторий, вӱдын да рокын анализшым тергаш оборудований, метеостанций, тӱрлӧ ӱяҥдыш да молат лийыт. Ты проектын тӱҥ шонымашыже – самырык ӱдыр-рвезе-шамычлан кызытсе ялозанлык пашан кугу технологиян да виян отрасль улмыжым ончыкташ да ты пашалан кумылаҥдаш.