💯 Кундемыштына сайлымашым Мер эскерыше штаб 100 %-лан ямде — 16 сентября 2026 г. в 10:03:00.473
💯 Кундемыштына сайлымашым Мер эскерыше штаб 100 %-лан ямде Тидын нерген Марий Элыште Мер эскерыше штабым вуйлатыше Евгений Кузнецов «МАКС» мессенджерысе каналыштыже увертарен. Тергыме системым республикысе Мер палатын тӱҥалтышыж почеш НОМ Ассоциацийын полшымыж дене шарыме. Регионышто шушаш кампаний кучем кӱкшытым авалта – Госдумын депутатше-влак гыч тӱҥалын муниципальный совет-шамыч марте. Йӱклымаш республик мучко 500 наре сайлыме участкыште эрташ тӱҥалеш, кажныштыже эрыкан эскерыше-влак лийыт. Штаб 1200 утла мер эскерышым ямдылен. Нунын пашаштым территориальный куратор-шамыч виктарен шогат. Эскерыше-влакын составыштым рашемдыме да 18, 19 да 20 сентябрьлан дежурство графикым чумырымо. Мер эскерымаш рӱдер пашам тӱҥалеш. Тудо йӱклымӧ кум кече мучко пашам ышташ тӱҥалеш. Тыште видеонаблюдений системе-шамыч УИК дене ушнат, тыгак шокшо линийын пашаже да пурышо информацийым эксперт семын аклымаш пурат. «Ямдылалтме чыла этап мучашлалтын. Профессиональный общественный контроль Марий Элын кажне избирательный участкыштыже шукталтеш! Ӱшанем, тыгай контроль йымалне сайлымаш чын, почын да легитимно эрта», – каласен Евгений Кузнецов. 📲 Штабын шокшо линийжын телефонжо-влак: +7 8362-42-40-27, +7 (961) 373-46-39.