🎨Таче, 16 сентябрьыште, Йошкар-Олаште Зосим Фёдорович Лаврентьевлан (1933-2020) пӧлекл... — 16 сентября 2026 г. в 08:29:16.334
🎨Таче, 16 сентябрьыште, Йошкар-Олаште Зосим Фёдорович Лаврентьевлан (1933-2020) пӧлеклалтше мемориал плитам торжественно почыныт. Россий Федерацийын калык сӱретчыже, Российын да Марий АССР-ын сулло сӱретчыже, Республикысе кугыжаныш премийын лауреатше, тудо марий сӱрет сымыктышым вияҥдымашке моткоч кугу надырым пыштен. Курыкмарий районысо Эсан ялыште шочын-кушшо Зосим Фёдорович ӱмыржӧ мучко шочмо мландын моторлыкшым, пӱртӱсшым, йӱлажым да еҥ-влакым ончыктен. Сӱретчын пашаже-шамыч республикысе вӱдышӧ тоштерлаште аралалтыт: Республикысе изосымыктыш тоштерыште, Т.Евсеев лӱмеш национальный тоштерыште, А.В.Григорьев лӱмеш художественно-исторический тоштерыште. Мемориал плитам почмаш марий сымыктышын историйышкыже курымешлан возалтше айдемылан пагалымаш лиеш. 📸 МЭТР телеканалын фотожо.