🍁14-20 СЕНТЯБРЬЛАН КАЛЫК ПАЛЕ — 14 сентября 2026 г. в 08:10:22.126
🍁14-20 СЕНТЯБРЬЛАН КАЛЫК ПАЛЕ 14 сентябрьыште ояр игече шога гын, лавыртышан да юалге шыжылан. 15 сентябрьыште эрдене лупс шуко возеш – лишыл кечылаште сай игечым вучыман. 16 сентябрьыште тӱтыран игече шога гын, пасу паша куштылгын да ласкан эртышаш. 17 сентябрьыште кукшо игече ночко шыжым сӧра. 18 сентябрьлан пызле лышташ оралген шукта гын, теле эр толшаш да йӱштӧ лийшаш. 19 сентябрьлан куэ лышташ кӱшыч нарынчалга – эр шошылан. Ӱлычын гын, шошым вараш вучыман. 20 сентябрьыште йӱр йӱреш гын, октябрь ночко лийшаш, да мӧнгешла.
57 просмотров