7 августышто Йошкар-Олаште II Марий книга фестиваль кышкарыште «Какшан сер ӱмбалне» IV ... — 14 августа 2026 г. в 06:02:01.611
7 августышто Йошкар-Олаште II Марий книга фестиваль кышкарыште «Какшан сер ӱмбалне» IV регион-влак кокласе авторский муро да поэзий фестивальна эртен. 25 участник лийын. Нунын коклаште Татарстан, Башкортостан республикла, Коми-Пермяцкий АО гыч самырык еҥ-влак мастарлыкыштым ончыктеныт. «Какшан сер ӱмбалне» фестиваль чон дене каныме мероприятийыш савырнен. Чучын, пуйто кугурак ийготан поро йолташ-влак, шуко жап эртымек вашлийын, гитарым, гармоньым, шиялтышым шокталтен, чон почын мутланеныт. А ӱдыр-рвезе-влак, илышын волгыдо ончыкылыкшо, йӧратымаш, шочмо кундем нерген муралтен, семӱзгарым шокталтен, весела, йорга койышышт дене фестивальлан ойыртемалтше ямым пуртеныт. Пайрем касым фестивальын гимнышкыже савырныше «Автобус вашка шочмо ялыш» муро дене почмо. Погынышо кажне еҥ артист-влак дене пырля мурен, икмыняр мужыр вальсымат куштен. 🔹 Кумданрак: https://кугарня24.рф/гитар-да-гармонь-сем-чоным-тарватеныт/