🎉🌹Кукмарада социаль хезмәткәрләрне хөрмәтләделәр — 11 июня 2026 г. в 12:24:10.917
🎉🌹Кукмарада социаль хезмәткәрләрне хөрмәтләделәр Кукмараның «Галактика» балалар иҗат үзәгендә Социаль хезмәткәрләр көне уңаеннан тантаналы бәйрәм чарасы узды. Анда районның социаль өлкәдә хезмәт куючы белгечләре, тармак ветераннары һәм чакырылган кунаклар катнашты. Чарада район башлыгы урынбасары Резеда Гаянова, район Башкарма комитеты җитәкчесенең социаль мәсьәләләр буенча урынбасары Айгөл Багаманова, район социаль яклау бүлеге җитәкчесе Регина Мусина, «Тылсым» халыкка социаль хезмәт күрсәтү үзәге директоры Руслан Шәрипов чыгыш ясады. Котлау сүзләрендә социаль хезмәткәрләрнең җәмгыятьтәге әһәмиятле роле ассызыкланды. Чыгыш ясаучылар билгеләп үткәнчә, әлеге өлкәдә эшләүчеләр көн саен ярдәмгә мохтаҗ булган кешеләргә — өлкәннәргә, мөмкинлекләре чикләнгән гражданнарга, күпбалалы һәм аз керемле гаиләләргә ярдәм кулын суза. Аларның хезмәте зур җаваплылык, сабырлык, шәфкатьлелек һәм кешеләр язмышына битараф булмау таләп итә. Тулырак: https://kukmor-rt.ru/news/sogy-yanalyklar/kukmarada-social-xezmatkarlarne-xormatladelar