Бөгөн республиканың бөтә мәктәптәрендә лә Белем көнөнә бағышланған байрам саралары үтә.... — 1 сентября 2026 г. в 15:16:35.966
Бөгөн республиканың бөтә мәктәптәрендә лә Белем көнөнә бағышланған байрам саралары үтә. Беҙ Ғафури районында Нияз Мәжитов исемендәге Красоусол башҡорт гимназия-интернатында үткән тантаналы линейкала ҡатнаштыҡ. Быйылғы уҡыу йылын гимназия ишектәрен 523 уҡыусы асҡан. 69 уҡытыусы балаларға белем бирә. Гимназияны тамамлаусыларҙың 96 проценты юғары уҡыу йорттары студенттары булып китә. Һөнәрҙәр географияһы һәм һайлау бик киң. Гимназистар Мәскәү, Санкт-Петербург, Краснодар, Һамар, Ҡазан, Екатеринбург, Ырымбур ,Сызрань ,Өфө, Стәрлетамаҡ юғары уҡыу йорттарында уҡыуын дауам итә. Бөйөк ғалимдың исемен йөрөткән гимназияла батыр яҡташтарының иҫтәлектәрен дә хөрмәт менән һаҡлайҙар. Герой парталары асылған, Ҡаһарманлыҡ дәрестәре үтә. Илебеҙгә төрлө һынауҙар янаған ваҡытта – уҡытыусының эше ҙур батырлыҡ. Төп бурыс – ысын илһөйәрҙар тәрбиәләү. Аҡ юл һеҙгә, уҡытыусылар, уҡыусылар, ата-әсәләр! Уңышлы уҡыу йылы!