Олунньу 28 күнүгэр Иван Иванович Кандинскай аатынан "Айыллаан" култуура киинигэр Арассы... — 28 февраля 2026 г. в 11:09:10.617
Олунньу 28 күнүгэр Иван Иванович Кандинскай аатынан "Айыллаан" култуура киинигэр Арассыыйаҕа норуоттар сомоҕолоһууларын, Саха Сиригэр култуура, Чурапчы улууһугар оҥорон таһаарыы, Чурапчы нэһилиэгэр тупсаҕай эйгэ сылларын чэрчитинэн, Чурапчы нэһилиэгин тэрилтэлэрин икки ардыларыгар ыытыллыбыт *«ЧУРАПЧЫ ЧАРАҤА - 2026»* 🌿🌿🌿уус-уран самодеятельность көрүү бэстибээлэ иккис күнэ түмүктэннэ. Уопсайа 6 холбоһуктаах хамаандалар көрдөрдүлэр. 🟢 Өрөгөй - Д.П. Коркин аатынан Чурапчы Өрөспүүбүлүкэтээҕи спортивнай олимпийскай эрэллэри бэлэмниир интернат орто оскуолата, Алмазэргиэнбанк холбоһуктаах хамаандата. 🟢 Дохсун - Олох дьаһах коммунальнай хаһаайыстыбата, П.И. Борисова аатынан «Улыбка» уһуйаан, Маарыкчаан ПО, Потребительскай Кооператив Аартык холбоһуктаах хамаандата 🟢 Модун - Чурапчытааҕы Государственнай физическай культура уонна спорт институт, М.Т. Спиридонова аатынан «Чуораанчык» уһуйаан холбоһуктаах хамаандата 🟢 Ситим - С.К. Макаров аатынан Чурапчы гимназията, «Туллукчаан» уһуйаан, Чурапчытааҕы лесничество, Якутскэнерго, «Профстрой» хааччахтаммыт эппиэтнэстээх тэрилтэ холбоһуктаах хамаандата 🟢 Дьолуо - И.М. Павлов аатынан Чурапчы орто оскуолата, А. П. Листиков аатынан Чурапчытааҕы оҕону производстваҕа үөрэтэр киин, «Кыталык» уһуйаан, Оҕону эт хаан өттүнэн эрчийэр оскуола холбоһуктаах хамаандата 🟢 Дархан - С.А. Новгородов аатынан Чурапчы орто оскуолата, «Хатан» хааччахтаммыт эппиэтнэстээх тэрилтэ холбоһуктаах хамаандата. Сылын ахсын ыытыллар «ЧУРАПЧЫ ЧАРАҤА-2026» бэстибээлгэ нэһилиэкпит тэрилтэлэрэ чахчы да үрдүк таһымҥа бэлэмнэмиттэрэ көһүннэ. Хамаандалар үҥкүүлэригэр саҥа көстүүм тиктэрбиттэрэ олус дьэрэкээн көстүүнү бэлэхтээтэ. Бу кэнсиэри тэрийбит бары хамаандаларбыт үрдүк таһымҥа бэлэмнэммиттэр, кинилэр дьулуурдаах үлэлэрин түмүгэ сөхтөрөр. Тэрилтэлэрбит түмсүүлэрэ өссө күүһүрбүтүн бу тэрээһин бигэргэттэ. Бу үтүөкэн тэрээһин ситиһиилээхтик ааһыытыгар тэрилтэ салайааччыларыгар, профсоюз бэрэсэдээтэллэригэр, ону тэҥэ, хамаанда чилиэннэригэр, үлэһит туруу дьоммутугар тэрийээччилэр ааттарыттан барҕа махталбытын тириэрдэбит. Чурапчы күүһэ — түмсүүгэ!