Корниловтар кыра кыыстара Любовь Федоровна 1931 сыллаахха Дьокуускай педтехникумугар до...
Корниловтар кыра кыыстара Любовь Федоровна 1931 сыллаахха Дьокуускай педтехникумугар дошкольнай салааны олохтообута. Любовь Федоровна Корнилова республикаҕа маҥнайгынан оҕо тэрилтэлэрин тэрийбит, минпроска методическэй кабинет сэбиэдиссэйэ. Николай Егорович Мординов-Амма Аччыгыйын кэргэнэ. Федор Григорьевич улахан уола Григорий Федорович охотовед, кыра уола Еремей хаһыат үлэһитэ этэ. Дьэ бу ураты силистээх – мутуктаах, дириҥ төрдүлээх Корниловтар хос сиэннэрэ Анатолий Яковлевич, тастыҥ балтытынаан Яковлева Анисия Ильиничналыын өбүгэлэрин төрүт сирдэригэр сыаналаах матырыйааллары, экспонаттары бэлэхтээтилэр. Анисия Ильинична Дьокуускайтан соҕотох Өлүөхүмэҕэ кэлэн оройуон кыраайы үөрэтэр музейыгар ыалдьыттаан барда. Анисия Ильинична оҕо бырааһа, неонатолог, доруобуйа харыстабылын туйгуна. Эмиэ биир интэриэһинэй , устуоруйаны хасыһан билэ сатыыр уникальнай киһи эбит диэн сыаналаатым. Бачча ыраах, олох төрдүлэрбит олорон ааспыт сирдэригэр кэлэн барыахпытын наада диэн сыаллаах, семейнэй реликвияларыттан урукку үйэтээҕи оҥоһуу иһиттэри аҕалтаабыт. Хаартыскалары, кинигэлэри аҕалбыт. Биһиги Кыыллаахтан, нэһилиэк бэтэрээннэрин уонна биэнсийээлээхтэрин сүбэтин бэрэссэдээтэлэ Лавернова Р.Е.,Өлүөхүмэ куоракка киирэн ыалдьыппытын көрүстүбүт. Федор Григорьевич Корнилов аранжировкалаабыт “Кыыллаах Арыы” диэн норуот ырыатын ыллаан, ирэ-хоро сэһэргэһэн астынан тарҕастыбыт Раиса Еремеевна Саха Өрөспүүбүлүкэтин култууратын үтүөлээх үлэһитэ,Өлүөхүмэ оройуонун бочуоттаах олохтооҕо Сергей Петрович Попов «Мин кинигэм” диэн кинигэтигэр оҕо сылдьар кэмин ахтыытыгар бу курдук суруйбутун ааҕан иһитиннэрдэ: “Күтүөппүт Маттиас Ракоши Венгрияттан Өлүөхүмэҕэ 17 баржа продовольствие ыыппыт үһү. Дьэ онно кэлбитэ – журналга эрэ көрөр Москва оҕолорун кэтэр таҥастара – тесанкалар, түүлээх лыжнай көстүүмнэр, цигейка саҕалаах соннор, бэргэһэлэр, үтүлүктэр, бамбук торуоскалаах дьүөгэт сыттаах, кырааскалаах кылабачыгас хайыһардар, снегурка хаҥкылар, школьнай портфеллар, непроливайка чернильницалар, бөрүө арааһа, бэлисипиэттэр, матасыыкыллар. Уонна буочукалаах испиир ыга тиэллэн кэлбитэ”-, диэн кэпсээнин аахпытын иһиттибит. Умнуллубат истиҥ көрсүһүү туоһута былыргы 19 үйэтээҕи курууска ( чарка из меди) нэһилиэкпит түмэлин биир күндү экспоната буолла. Түгэни туһанан, Анисия Ильинична уонна Анатолий Яковлевич Яковлевтарга биир дойдулаахтарын ааттарыттан улахан махталбытын тириэрдэбит. Өлүөхүмэ оройуонун, Кыыллаах орто оскуолатын методист учуутала. Корнилова Т.Л. 2026 сыл.