Кызыл Таң / Новости Башкортостана / Яңалыклар / Kizil Tan
Новости · 12 октября 2026 г.
💢Алоэ гөлен үстерүчеләрне, иң беренче чиратта, үзенең сәламәтлеген кайгыртучы кешеләр ...
💢Алоэ гөлен үстерүчеләрне, иң беренче чиратта, үзенең сәламәтлеген кайгыртучы кешеләр исемлегенә кертәләр. Артык матур күренмәгән бу үсемлекнең мең төрле авыруга дәва булып торуын өлкән яшьтәгеләр бик яхшы белә. 🍁Халык медицинасында кулланудан тыш, табиблар да бу гөл белән дәваланырга киңәш итә. Ул аеруча туберкулез белән авыручылар өчен файдалы икән. Ике яшьтән дә картырак булмаган алоэның ике стакан сутына бурсык мае, бал, коньяк яки кагор эчемлеге, төс бирү өчен бераз какао порошоы өстәп, махсус дару ясарга мөмкин. 🍁Салкын тигәндә, тамакны су белән бер күләмдә алынган алоэ суты белән чайкау да яхшы нәтиҗә бирә. Шул ук вакытта көненә өч тапкыр бер чәй кашыгы алоэ суты салынган бер стакан сөт эчелә. 🍁Томау төшкәннең беренче көнендә үк, борынга берничә тамчы алоэ сутын тамызырга кирәк. ❗Тик шуны да искә алыгыз: авырлы хатын-кызларга, канлы геморрой белән җәфаланучыларга, бөер һәм сидек куыгы ялкынсынганда алоэ сутын яки төнәтмәсен эчү зыянлы.