Каз үләнен (лапчатка прямостоячая) ашказаны-эчәк тракты авырулары, ашказанының язва ав...
Каз үләнен (лапчатка прямостоячая) ашказаны-эчәк тракты авырулары, ашказанының язва авыруы, авыз куышлыгында ялкынсыну процесслары, стоматитлар, гингивитлар, ангина, шулай ук эч китүдән һәм дизентериядән бөрештерүче һәм ялкынсынуга каршы чара сыйфатында кайнатма һәм брикетлар хәлендә кулланалар. ✅Кайнатма әзерләү өчен кофе тарткычта вакланган 2 чәй калагы тамырча алалар, аны 1 стакан суга салып сулы савытта (водяная ванна) 20-30 минут кайнаталар. Аннан соң сөзеп, 200 мл булсын өчен су өстиләр. Ашарга 30 минут кала яки ашаганнан соң 1 сәгатьтән көнгә 3-4 тапкыр 1 әр аш калагы эчәләр. Халык медицинасында каз үләнен геморройдан, язвалардан, трихомонад кольпитыннан, төрле тимгелләрдән, чиләнүчән экземадан һәм башка авырулардан кулланганнар. Үсемлек тамырчалары порошогын косметик максатларда тешләрне чистарту өчен файдаланалар: ул теш уртлары ялкынсынуын кисәтә, авыздан килә торган начар исне бетерә. Файдасы тисен