ХIакьину жула билаятрай кIицI лаглай бур Аьрасатнал халкьуннал мазурдил кьини. Ва кьини...
ХIакьину жула билаятрай кIицI лаглай бур Аьрасатнал халкьуннал мазурдил кьини. Ва кьини паччахIлугърал бакIчи Владимир Путиннул хасну жула хъунасса шаэр Расул ХIамзатов дунияллийн увксса кьини баян баврилгу дур цила мяъна. Шаэрнал щала творчество дур жула бюхттулсса чIявумиллатру бусса билаятрал мазру, халкьуннал дянивсса цашиву ва уссушиву хьхьичIххуттай ккаклакисса. Барча буллай буру жула тамашачитал ва подписчиктал байрандалущал. Амма хIакьину, лакку маз кIулми гьантта бувккун чан ливчIун нанисса заманнай укунмагу чIивисса миллатрал театрданун чIарашинна хъанай дур маз кIулми бухлаглагаврия. Байранну, гьай-гьай, хъинни. Амма ми байранну ссанчIав дакъассар, жула хъунасса композитор, Аьрасатнал халкьуннал артист Ширвани Чаллаевлул мукъурттийну учин, ужагърай лакку мазрайсса гъалгъа ишлану бакъассаксса. https://ilchi.info/?nationals=chchatigu-lakku-mazray-zumuh-lavsukunni-nahiussa