Олоҥхо дьиэлэрин ситимнэрэ Татарстанҥа — 18 июня 2026 г. в 01:11:55.899
Олоҥхо дьиэлэрин ситимнэрэ Татарстанҥа Саха өрөспүүбүлүкэтин эпос уонна ускуустуба киинин иһинэн салаллан үлэлиир Олоҥхо дьиэлэрин ситимнэрэ Татарстан өрөспүүбүлукэтин Нижнекамскай куоратыгар ЫҺыахха төрүт үгэспитин, баай култуурабытын, ырыабытын-тойукпутун, оҺуохайбытын, уран оҥоһуктарбытын, сатабылбытын көрдөрдөрөн Сабантуй-Ыһыах улахан тэрээҺиннэригэр кытынныбыт. Сэттэ улуустан Амма, Уус Алдан, Горнай, Мэнэ Хаҥалас, Ньурба, Сунтаар олоҥхо дьиэлэрин ситиминэрэ, Ханалас улууҺун Арчы дьиэтэ кытыннылар. Бэс ыйын 3-4 куннэригэр ыҺыахха,концертка бэлэмнэнии, быстапканы туруоруу үлэтэ ыытылынна. Бэс ыйын 5 күнүгэр Нижнекамскай куорат уус уран айымньы дьиэтигэр "Диалог культур" концерт, уус уран оҥоҺуктар быыстапкалара, ыалдьыттары тыыннаах доҕуҺуолунан, арыылаах алаадьынан көрсөн, араас оҥоҺуктары, харысхаллары онорууга маастар кылаастар ыыттыбыт. Тыыннаах доҕуҺуолга Мэҥэ Ханалас, Горнай улууҺун холбоҺуктаах народнай инструменнар коллективтара элбэх тэрээһиннэргэ кыттыыны ыллылар. Уус уран оҥоһуктар быыстапкаларыгар Сунтаар, Ньурба, Горнай, Амма, Мэҥэ Хаҥалас, Уус Алдан, Хаҥалас Олоҥхо дьиэлэрин көҕүлээһиннэринэн 3 түмсүү, 25 маастар үлэлэрэ туран Татарстан дьонун-сэргэтин биһирэбилин ылла. Харысхаллары, киэргэллэри онорууга маастар кылаастары ыыттылар Евдокия Иванова тирии сэлиэччиктэри киэргэтиигэ Уус Алдан), Айталина Санникова (Горнай) валяниенан харысхал оҥоруутугар, Мария Николаева (Ньурба) моойторук тигиитигэр, Дора Игнатьева, Ольга Игнатьева (Хаҥалас) сиэлтэн ымыы оҥоруутугар, Екатерина Васильева (Уус Алдан) ситии хатан туос иһит тигиитигэр, Роман Иванов (Мэҥэ Хаҥалас) хомус, кырыымпа оҥоруутугар, Анастасия Степанова (Амма) кылтан, сиэлтэн өрүүгэ, Даайа Моруо туойтан харысхаллары онорууга (Горнай). Быыстапкага кылтан сиэлтэн толору ат симэгэ, сөрүөлэр, паннолар, аттаран кыбытан тигии көбүөрдэр паннолар, валяниеттан көбүөрдэр ,паннолар, удьурхайтан олоҥхо геройдарын тэттик скульптуралара киһи сөҕөр, кэрэ улэлэр туруоруллан Нижнекамскай олохтоохторун биһирэбилин ыллылар. Уус уран оҥоһуктар быыстапкалрын Татарстан өрөспүүбүлүкэтин баһылыга Раис Р.Н.Минниханов көрөн хайҕаата уонна инники өттүгэр үлэлэҺиигэ баҕа санаатын биллэрдэ. Сабантуйга саха сирин делегацията сиэдэрэй таҥаспытын кэтэн параадтаан хааман культурнай программаҕа кытынныбыт. Саха сирин түһүлгэтигэр Ыһыахпыт сиэрин-туомун көрдөрдүбүт, ыьыах сиэрин туомун ситэрэн алгыһы көтөхтө Аллараа Бэстээх Г.Г.Колесов аатынан олонхо дьиэтин алгысчыта Денис Оконешников. Ыһыаҕы көрө кэлбит биир дойдулаахтарбыт, олохтоох нэһилиэнньэ сиэргэ-туомҥа иһийэн туран кытыстылар, ылыннылар. Далбар хотуттар ыалдьыттары уохтаах кымыһынан, арыылаах алаадьынан айах туттулар. Уус уран концертка саха ырыата-тойуга, хомус, кырымпа доҕуҺуолунан, сахалыы үнкүү битии тоҕо тардыллан, иистэнньэҥнэр тикпит саха мааны таҥастара ситэрэн биэрдилэр, бииртэр биир кэрэ нүөмэрдэри көрөөччулэр ытыс тыаһынан доҕуҺуоллаатылар. Түмүккэ добун оһуохайга кэлбит дьон бары киирэн киэн түҺүлгэ тэрилиннэ. Көрөөччүлэр хойукка дылы барбакка астыммыттарын-сөхпүттэрин биллэрэн өргө дылы түһүлгэҕэ сырыттылар. Татарстан өрөспүүбүлүкэтин Нижнекамск куоратыгар норуоттар доҕордоһууларын бигэргэтэн ыытыллыбыт Сабантуй-Ыһыах тэрээһинҥэ олоҥхо дьиэлэрин ситимнэрэ бары биир коллектив курдук ыытыллыбыт тэрээһиннэргэ барытыгар сомоҕолоһон үлэлээтилэр. Сиһилии ВК АЦЭИ бөлөҕөр ааҕыҥ https://vk.com/wall-232975294_479 Евдокия Иванова СӨ Аартыкатааҕы эпос уонна искусство киинин эпическэй салаатын салайааччыта.