Өксөкүлээх Өлөксөй 150 сыллаах үбүлүөйүн көрсө! Саха культуратын, тылын-өһүн, итэҕэлин ... — 20 июля 2026 г. в 04:39:49.720
Өксөкүлээх Өлөксөй 150 сыллаах үбүлүөйүн көрсө! Саха культуратын, тылын-өһүн, итэҕэлин биһигэ буолбут Таатта ытык сиригэр, кылыгырас кумахтаах, ыраас, дьэҥкир уулаах Амма өрүс кэрэ биэрэгэр кылыһах-кырыымпаҕа оонньууру сатыырга уһуйуллууга, саха тыынын иҥэринэ, ону тэҥэ дьүөрэлээн сынньана-холкутуйа, бэйэ ис туругун бөҕөргөтүнүөн баҕарар дьону атырдьах ыйын 5-7 күннэригэр «Тыл! Дорҕоон! Дойду!» үс күннээх этнокультурнай оскуола-лабораториябытыгар күүтэбит! Эһигини күүтэр: 1. ИЙЭ ТЫЛ: Төрөөбүт төрүт тылбыт баайын, сүөгэйин сүмэтин сөпкө туһанан Алгыс тылыгар киллэрии, ыраастаныы, арчыланыы, сиэр-туом үөрэҕэ. 2. САХА ТӨРҮТ ДОРҔООНО: Саха национальнай үнүстүрүмүөнүгэр кылыһах-кырыымпаҕа утумнаахтык үөрэнии, билсии. Төрүт дорҕоон нөҥүө куту-сүрү бөҕөргөтүү, ис тыыны уһугуннарыы (медитация). Саха мындыр толкуйа, кылыһах-кырыымпа дорҕоонун киэҥ эйгэҕэ тарҕатыы. Уһуйааччылар – алгысчыт, кыраайы үөрэтээччи Туналы Солко, “Кыл Саха” бөлөх сүрүннээччилэрэ, СӨ үтүөлээх артыыстара Анна уонна Афанасий Томскайдар! Саха культуратын биһигэр ытык Таттаҕа кэлэн астына – дуоһуйа сынньанан, бөҕөргөөн, Амма ыраас уутугар сөтүөлээн, кылыһах кырыымпаҕа үөрэнэн сайын үтүөкэн күннэрин туһалаахтык атаарыҥ. Үс күннээх оскуола-лаборатория (лааҕыр) төлөбүрэ (сыаната) – 20 000 солк. Түһэр, хонор дьиэлэр, сарсыардааҥҥы, күнүскү, киэһээҥҥи аһылык киирэр. Бэйэҕитин кытары сылаас таҥас, тус бэйэҕит туттар малгыт (зуб.щетка, мыло, шампунь и.т.д.), спальнай мешок. Эрдэттэн запись биллэриллэр - киһиттэн 5000 солк, миэстэ хааччахтаах. Билсэр нүөмэрдэргит: Туналы Солко - 89248692285 Анна Томская – 89241652212 Аграфена Баишева – 89142971238