Рустам Каженкин саҥа кинигэтин сүрэхтэниитэ 👏
Рустам Каженкин саҥа кинигэтин сүрэхтэниитэ 👏 Күндү доҕоттор! П.А. Ойуунускай аатынан Литература музейа куорат олохтоохторун уонна ыалдьыттарын алтынньы 29 күнүгэр саҥа кинигэ сүрэхтэниитигэр ыҥырар! Поэт, учуутал, музейбыт дириэктэрэ Рустам Каженкин «Сахалыы-нууччалыы, нууччалыы-сахалыы ойуулаах тылбаасчыт» диэн саҥа кинигэтин таһаарда. Кинигэҕэ 42 тиэмэҕэ наардаммыт 1400-тэн тахса тыл уонна тыл ситимэ киирдэ. Ойуулаах тылбаасчыт саха тылын саҥа үөрэтэн эрээччигэ да, тылын байытыан баҕалаах хас биирдии ааҕааччыга да — кырачааннартан саастаахтарга диэри — туһалаах көмөлөһөөччү буолуо. Киэһэ эһигини күүтэр: • ааптары кытта атах тэпсэ олорон сэһэргэһии; • кинигэ хайдах оҥоһуллан тахсыбытын туһунан кэпсээн; • ааптар атын үлэлэрин быыстапката; • бириистээх оонньуу уонна да атын сэргэх түгэннэр. 📍 П.А. Ойуунускай аатынан литература музейа (Октябрьскай уул., 10) 🕓 Саҕаланыыта — күнүс 16:00 чаастан 📞 Билсэр төл.: 42-89-12 Тылы таптыыр, кинигэни өрө тутар дьону кэтэһэбит! Көрсүөххэ диэри!