Арассыыйаҕа норуоттар сомоҕолоһууларын сылынан “Мин кэрэ дойдукам – улуу дьол уйата...”...
Арассыыйаҕа норуоттар сомоҕолоһууларын сылынан “Мин кэрэ дойдукам – улуу дьол уйата...” Өрөспүүбүлүкэтээҕи ырыаны-хоһоону толоруу күрэҕэ БАЛАҺЫАННЬАТА Тэрийээччи: П.А. Ойуунускай аатынан Саха государственнай литературнай музейа Ыытыллар формата: кэтэхтэн (заочная). Көрүү ис хоһооно: Сомоҕолоһуу тиэмэтигэр аналлаах саха бэйиэттэрин хоһоонунан айымньыларынан ырыа ыллаан эбэтэр хоһоон ааҕан видеоҕа устуу. Сыала-соруга: - киһи айар, ааҕар дьоҕурун сайыннарыы; - саха бэйиэттэрэ сомоҕолоһууга анаан суруйбут хоһооннорун нөҥүө төрөөбүт дойдуга, норуокка тапталы уонна киэн туттууну иҥэрии; - уус-уран айымньыны дорҕоонноохтук ааҕан өйү-санааны сайыннарыы; Сайаапканы тутуу 2026 сыл, алтынньы 6 күнүттэн алтынньы 30 күнүгэр диэри (1 сыһыарыы) Кыттааччылар: орто, улахан сүһүөх кылаас оҕолоро, устудьуоннар уонна улахан дьон. Кыттааччылар састааптара: биирдиилээн эбэтэр бөлөҕүнэн. Бөлөххө кыттааччы ахсаана хааччахтаммат. Көрүү ирдэбилэ: - күрэс тематикатыгар сөп түбэһии; - уус-уран таһым; - көстүүм уонна реквизит (баар буоллаҕына); - музыка доҕуһуола (ирдэнэр буоллаҕына). Сыаналааһын кэриҥэ: - артыыстааһын уонна толоруу уратыта, сонуна; - айымньы тиэкиһигэр чугаһатыы; - сценическэй култуура; - көстүүм хаачыстыбата уонна реквизит; - музыканан, тыаһынан киэргэтии (эбии баал); - уопсай композиция Сайапкалары бу почтаҕа konkurslitmuzeim@mail.ru күүтэбит: - кыттааччы аата-суола (хас да киһи буоллаҕына – хас биирдиилэрин аата) - хаһыс кууруска үөрэнэрэ, ханна үлэлиирэ, - үөрэнэр кыһатын, үлэлиир сирин улууһун толору аата, - салайааччытын толору аата, - видеоролик, төлөбүр чиэгэ. Кыттыы төлөбүрэ: 150 солк. биирдии киһиттэн. Усунуос 89679261861 сбербанк төлөнөр. (Бэлиэтээһин: бөлөҕүнэн толорооччулар хас биирдии киһиэхэ төлөөн ыыттахтарына – диплом, туоһу сурук эмиэ хас биирдии киһиэхэ толоруллар, оттон бөлөх эрэ аатыттан төлөнөн кэллэҕинэ диплом, туоһу сурук эмиэ бөлөх эрэ аатыгар толоруллар) Наҕараадалааһын: - анал хамыыһыйа сыаналыаҕа; - кыайыылаахтар бэлиэ суругунан наҕараадаланыахтара; - кыттааччы барыта туоһу сурук тутуоҕа. Түмүк таһаарыыта: Сэтинньи 4 күнүгэр музей саайтыгар уонна соц.ситимигэр тахсар, бастыҥ үлэлэр музей саайтыгар, социальнай ситимигэр киириэхтэрэ. Итиэннэ кыайыылаахтар сэтинньи 4 күнүгэр буолар “Ускуустуба түүнэ” бүтүн Арассыыйатааҕы акцияҕа кэлэннэр кыттыыны ылыахтара. Билсэр телефоҥҥут: 8 (4112) 42-89-12, 89679261861 (сот.) Аадырыспыт: Дьокуускай куорат, Октябрьскай уул. №10, П.А. Ойуунускай аатынан Саха государственнай литературнай музейа.