Мүнөөдэр, октябриин 22 дэмбэрэлтэ үдэр гэжэ хэлэхэ болоно, юундэб гэхэдэ манай hургуули...
Мүнөөдэр, октябриин 22 дэмбэрэлтэ үдэр гэжэ хэлэхэ болоно, юундэб гэхэдэ манай hургуулиин 10 hурагшад Буряад драмын ехэ тайзан дээрэ, "Эхэ хэлэнэй гуламта" гэhэн Буряад ФМ-эй 10 жэлэйн ойн баярта зорюулагдаhан "Этигэл хамбын зальбарал" уншажа, найр наадаяа нээбэд. Энээнhээ гадуур үхибүүдэй хүдэлмэринүүдэй үзэсхэлэн дэлгээгдэбэ (һэеы, уран баримал, модон, арһан). Буряад драмын фойе соо "Эхэ хэлэн - манай баялиг" гэhэн мүрысөөндэ хабаадаhан ажалнуудаа харуулжа, Арданов Владимир ба Максаров Алдар гэгшэд айлшадаа хөөрөөгөөрөө hонирхуулбад. Олон нютагайнгаа үндэр наhатайшуултай, баhашье нааданда хабаадахашье зоноороо золгообди. Ехэ жаргалтайнууд, үглөөдэрэйнгөө мүрысөөндэ эдэбхитэйгээр хабаадаха хүсэ шадалтайнууд гэр гэрээрээ тараабди. Нааданда уриhан хэмжээ ябуулга эмхидхэгшэдтээ баяр баясхаланиие үнэн зүрхэнhөөнь хүргэнэбди. Ажалдань амжалта, зол жаргал хүсэнэбди! Буряад ФМ-эй ажалшадта hургуулиин багшанарай, ажалшадай ба даргын зүгhөө гарай бэлэг, амаршалгын бэшэг барюулаабди.