Марий Элыште тӱзатышаш объект-влак верч йӱклымашым иктешленыт. — 24 июня 2026 г. в 07:23:09.514
Марий Элыште тӱзатышаш объект-влак верч йӱклымашым иктешленыт. Тудо 21 апрель гыч 12 июнь марте «Оласе средам йӧнаным ыштымаш» федерал проект дене эртаралтын. Тений элын 88 субъектше, 2000 наре муниципал образований йӱклымашке ушненыт. Рӱдолаште тений 27 тӱжем утла еҥ йӱклен. Эн шуко йӱк Никонов лӱмеш площадьым тӱзатыме верч пурен. Тиде кумдыкым вес ийын шотыш кондат. Дизайн-проект дене тушто тротуарым уэмдат, изирак архитектур формым ыштат, кумдыкым ужартат. Волжскышто вес ийын Вавилов урем 1А номеран пӧрт воктене йоча поликлинике тураште тротуарым ыштат, Звенигово олаште Охотин уремыште тошкалыштым ыштат, Козьмодемьянскыште йоча усталык пӧрт воктене кумдыкым. Нине проект-влакым вес ийын «Инфраструктура для жизни» нацпроект дене тӱзатат.