Шкетан театр у тургымым тӱҥалме деч ончыч уэш пӱртӱс лоҥгашке ӱжеш. — 1 июля 2026 г. в 13:40:09.504
Шкетан театр у тургымым тӱҥалме деч ончыч уэш пӱртӱс лоҥгашке ӱжеш. Тиде гана марий калыкнан чапланыше эргыже, уста композитор Иван Степанович Ключников-Палантайын усталыкшлан пӧлеклалтше «Палантай» спектакль-концертым ончыктат. Тений Иван Степанович Ключников-Палантайлан 140 ий темеш ыле. Иван Степанович Ключников-Палантайын шочмо верже — Какшамарий ял, садлан спектакльым лач тушто 14 августышто 18:00 шагатлан ончыктат. Каласыман, Какшан эҥер серыште, 1923 ий 12 августышто Палантайын хоржо Москош каяш ямдылалтме годым генеральный репетцийым эртарен! А вара нуно 2-шо верым налыныт. Билетым ончылгоч налаш лиеш.
81 просмотров