Йыван Кырлан ончыкылык тоштер-пӧртшӧ пӧлек шотеш XX курымысо тошто арвер-влакым кычалеш. — 1 июля 2026 г. в 11:30:10.013
Йыван Кырлан ончыкылык тоштер-пӧртшӧ пӧлек шотеш XX курымысо тошто арвер-влакым кычалеш. Тиде коҥгам опташ арвер-влак: юшка, нумалтыш омса, саслоҥга, коҥга тӱкылтыш, коҥгаш олтымо омса, кӧршӧк кучем, ожнысо тулвондо кӱлеш лийыт. Тендан тыгай тошто арвер-влак улыт гын, +7 981 79 000 11 номер дене йыҥгыртен кертыда. Ушештарена, Шернур район Купсолаште Йыван Кырлан тоштер-пӧртшым нӧлтен шуктеныт, кызыт моло пашам шуктат, ончылно коҥгам оптымо сомыл вуча, садлан коҥгам опташ арвер-влак пеш кӱлешан улыт. Тиде проект калыкын вийже дене, Марий Элын калык писательже Зоя Дудинан тыршымашыже дене илышыш пура. (📸 "Кырланур - луй модмо вер" тӱшка гыч)
101 просмотров