Йошкар-Олаште 27-ше номеран школым капитально тӧрлат. — 15 июля 2026 г. в 08:15:22.056
Йошкар-Олаште 27-ше номеран школым капитально тӧрлат. Тунемме вер Строитель урем, 13А адрес дене верланен. Тений школым почмылан – пел курым, тиде лӱмгече вашеш тунемме верым «Молодежь и дети» нацпроект дене тӧрлат. Тиде – рӱдоласе ик эн кугу школ. Кызыт подрядчик демонтажым ышта, тошто конструкцийым пужа, тыгак леведышым тӧрлат. Тидын дене пырля инженер коммуникацийым вашталтат, зданийыште тунемме оборудованийым уэмдат, пашам вес ий февральыште мучашлышаш улыт. Тиде жаплан йоча-влакым вес тунемме верлаш кусарат. Йошкар-Ола мэрын пашажым жаплан шуктышо Антон Трудинов ача-ава-влакым тидым умылаш йодын. Ушештарена, кызыт рӱдолаште эше 4 школым капитально тӧрлат, тыгак 9А микрорайонышто да 6-шо микрорайонышто у школ-влакым чоҥат. #нацпроектмолодежь #молодежьнацпроект #нацпроектмолодежьидети