Республикысе Тӱвыра министерстве пелен Самырык-влак ушемын заседанийже эртен. — 23 июля 2026 г. в 19:11:03.574
Республикысе Тӱвыра министерстве пелен Самырык-влак ушемын заседанийже эртен. Тушто «Пушкин карте», «Земский тӱвыра пашаеҥ» нерген мутланеныт, ушемын пашажым иктешленят, у председательым ойыреныт. Программе-влак дене Марий Эл сай лектышым ончыкта. Идалык тӱҥалтыш гыч мемнан кундемыште «Пушкин карте» дене 38 тӱжем утла билетым налыныт. 2026 ий 1 январь ты картын операторжылан ВТБ банк шотлалтеш. Тудым «Госуслуги.Культура» приложенийыште переоформитлыман. «Земский тӱвыра пашаеҥ» программе дене тений квотым 20 вер марте кӱзыктеныт. Ӱмаште гын, 4 вер лийын. Самырык-влак ушемын председательжылан «Герои Отечества» тоштер-патриотический рӱдерын заведующийже Евгений Грозновым ойыреныт. Ушештарена, Марий Элысе Тӱвыра министерстве пелен Самырык-влак ушемым 2025 ий март тылзыште чумыреныт. Тудын кышкарыште самырык-влак тӱвыра шотышто кугыжаныш политике дене пашам шуктат, илышыш шыҥдарат. Тиде ушемыште 18 гыч 35 ияш марте ийготан, кугыжаныш да тӱвыра муниципал учрежденийлаште тыршыше 13 специалист шотлалтеш. (📸 Республикысе Тӱвыра министерствын тӱшкаже гыч налме)