14 гыч 16 август марте Чарла Кремль кумдыкышто ял озанлык ярмиҥга лиеш. — 5 августа 2026 г. в 14:15:07.927
14 гыч 16 август марте Чарла Кремль кумдыкышто ял озанлык ярмиҥга лиеш. Тудо Мӱй спас але Мӱкш Илян кечылан пӧлеклалтын. Тыште тӱҥ шотышто мӱйым да мӱкш сатум темлат. Ярмиҥгаш ушнаш шонышо-влак йодмашым Ял озанлык министерствыш пуышаш улыт. Ярмиҥга кум кече почела 9 гыч 15 шагат марте пашам ышта. Тышке кидмастар-влакат ушнат. А 14 августышто пайрем амал дене Мӱйлан шнуй шӱлышым пуртымо йӱлам эртарат. Чыла кумылан-влакым пагален ӱжыт.
144 просмотров