Йошкар-Олаште 14-ше номеран гимназийым капитально тӧрленыт. — 28 августа 2026 г. в 10:33:29.147
Йошкар-Олаште 14-ше номеран гимназийым капитально тӧрленыт. Паша мучашлалтын. Тудым «Молодежь и дети» нацпроект дене келшышын шуктеныт. Тиде жапыште кӱварым алмаштеныт, омасм пеҥгыдемденыт, электрикым вашталтеныт, класс-влакым, спортзалым, столовыйым да кордиорым тӧрленыт. Специалист-влак шокшым пуышо, электроснабжений да вентиляций системым ыштеныт. Зданийын фасадшат моторрак лийын, школ воктене асфальтым шареныт. Тидын дене пырля тунемме верым у оборудований дене пойдареныт. Олан администрацийыштыже ешарат: кызыт гимназийыште печым вераҥдат, тиде тунеммашлан нимогай чаракым огеш ыште, садланак 1 сентябрьыште школ шке тунемшыже-влакым вашлиеш. Мэрийыште палдарат: Йошкар-Олаште тӧрлымӧ кажне объект воктене информационный стенд уло, тушто QR-код дене шке темлымашым кодаш лиеш.