1 сентябрьыште Медведево районышто У Арбан «Радуга» йочасадым капитально олмыктымо дечы... — 3 сентября 2026 г. в 07:25:17.034
1 сентябрьыште Медведево районышто У Арбан «Радуга» йочасадым капитально олмыктымо дечын вара почыныт. Йоча тӧнежым 1985 ийыште чоҥеныт, тудо 170 икшывылан келыштаралтын. Тудын модернизацийжылан 60 миллион теҥге ойыралтын. Йочасадыш у мебельым, тыгак интерактивный оборудованийым вераҥденыт, инженер сетьым вашталтеныт, окнам, омсам, леведышым уэмденыт, кумдыкым тӱзатеныт. Йочасадыште тӱҥалтыш ийлаштак профориентацийлан тӱткышым ойырат, ончыкыжым «Радуга» йочасадын выпускникше-влак школын агрокласслаштыже тунемын кертыт. Тидын дене пырля подготовительный группылаште «Орлята-дошколята» проект тӱҥалеш, тушто икшыве-влак патриотризм шӱлышеш команде дене пашам ышташ тунемыт. (📸 Ю. Зайцевым МАХ каналже гыч)
100 просмотров