Республикыште ОРВИ дене черланыше-влакын чотышт шукемаш тӱҥалын. — 15 сентября 2026 г. в 17:03:14.633
Республикыште ОРВИ дене черланыше-влакын чотышт шукемаш тӱҥалын. Тидын нерген Роспоребнадзор палдара. 7 гыч 13 сентябрь марте 2051 случайым регистрироватленыт. Тиде тылеч ончычсо арня дене таҥастарымаште 1,7 пачаш шукырак. Черланыше-влакын чотышт шукемеш гынат, республикыште эпидемий кӱкшыт эртен огыл. ОРВИ дене черле-влакын вируслан анализым налмеке, рашемын, парагрипп, риновирус, аденовирус да бокавирус вашлиялтыт. Санитар врач-влак тиде жапыште профилактике йӧнлан тӱткышым ойыраш темлат: кидым чӱчкыдынрак мушкаш, тыгак пӧлемяш яндар южым пурташ, черле-влак дене шагалрак кылым кучаш.
132 просмотров