Йошкар-Оласе аэропортын реконструкцийже улшо график дене келшышын кая. — 15 сентября 2026 г. в 16:01:12.124
Йошкар-Оласе аэропортын реконструкцийже улшо график дене келшышын кая. Марий Элын вуйлатышыже Юрий Зайцев паша дене тиде объектыште лийын. Взлетно-посадочный полосаште тачысе кечын улшо паша гыч 69% ыштыме. Специалист-влак деформаций лончым келыштарат, нуно покрытийын кужун пашам ыштымыжлан кӱлыт. Тидын дене пырля командно-диспетчер пунктым чоҥат, тудо аварийно-утарыше станций дене пырля лиеш. Кызыт зданийын мланде йымалсе пырдыжшым ыштат, негызым пенгыдемдат. Взлетно-посадочный полосан реконструкцийже дечын вара аэропорт кугу судно-влакым вашлийын кертеш, ты радамыште Boeing 737- 800, Airbus A320 да SSJ-100. Тиде пассажир-влакым шукемда, тыгак маршрут сетьым кумдаҥда, тыгодым республикыш толшо турист-влакат шукемыт. Аэропорт инфраструктурым транспорт лӱдыкшыдымылык да пассажир-влакым кондыштмо качествым саемдыме амал дене уэмдат. Пашам «Эффективная транспортная система» нацпроект дене ыштат.