Марий Элыште туризм экономикыште ик эн вияҥше отрасльлан шотлалтеш.
Марий Элыште туризм экономикыште ик эн вияҥше отрасльлан шотлалтеш. Тидын нерген промышленность, экономике вияҥмаш да ужалымаш министр Владимир Халюзин палдарен. Кодшо ийын республикыш 1,3 миллион турист да экскурсант толын. Тений икымше пелийыште 535 тӱжем еҥ республикын турист объектше-влакым аклен. Пытартыш вич ийыште республикыште турпоток, номер-влакат шукемыныт. Шуко событий республикыште веле огыл, чумыр Российыште палыме. Тиде, мутлан, «Васюки Фест», «Йошка Еш» фестиваль-влак. Пытартышышкыже тений 13 регион гыч 27 ресторатор, 200 утла шеф-повар толын.
189 просмотров