Марий Эл гыч 48 сотемдарыше «Знание.Премия» верч таҥаса
Марий Эл гыч 48 сотемдарыше «Знание.Премия» верч таҥаса Российын тӱҥ сотемдарыме «Знание.Премия» суаптарлан Марий Эл гыч 48 еҥ ӱчаша. Тиде премийыш чыла Россий регион да 47 йот эл гыч 14 тӱжем йодмаш пурен. Марий Элысе кандидат-влак утларакшым тыгай номинацийлаште участвоватлат: туныктымо организацийыште сотемдарыме пашашке надырым пыштымылан; «Туныктымаш да наставничестве» аланыште надырым пыштымылан, «Историй» аланыште надырым пыштымылан. «Шочмо элым аралыше-влакын подвигыштым шарнымылан надырым пыштымылан» номинацийыште Елена Лежнина (МарГУ-н доцентше, «Знание» обществын лекторжо) ойыртемалтеш. 2025–2026 ийлаште тудо Российын сарзе историйже да историйым шойыштмылан ваштареш кучедалме нерген 205 лекцийым эртарен. Вашлиймашлашке республикысе 13 район гыч тунемше-влак ушненыт, тора ялласе изи комплектан школ-влакат лийыныт. Кино клубын экспертше да «Наше наследие» кинофестивальым организоватлыше семын тудо 11 тӱжем деч шуко еҥым поген, а «МЭТР» телевиденийыште да радиостанцийыште 50 тӱжем деч шуко еҥым авалтен. «Тӱвыра да сымыктыш аланыште надырлан» номинацийыште Юрино посёлкысо «Замок Шереметева: история, открытая каждому» проект ончыкталтын. 2025–2026 ийлаште тиде тоштер 31 сотемдарыме проектым илышыш шыҥдарен: экскурсий, лекций, историй-патриот программе да «Усадебные хроники» статья цикл. Тыге усадьбысе подлинный зал-влак историй дене палыме лийме ужашыш савырненыт. Уна-влакын чотышт 36,4% кушкын, 76 700 еҥ марте шуын, а тоштерын «ВКонтакте» тӱшкаштыже тылзе еда 400 тӱжем деч шуко ончышо лийын.