Еҥ-влакын йодмышт дене Волжск - Часовенная автомашина корным тӧрленыт.
Еҥ-влакын йодмышт дене Волжск - Часовенная автомашина корным тӧрленыт. Пашам «Инфраструктура для жизни» нацпроект дене шуктеныт. Тиде маршрут Волжскын тӱҥ уремжылан шотлалтеш, кажне кечын тудын дене ятыр еҥ коштеш. Подрядный организаций пашам сентябрьыште тӱҥалын. Кызыт объект технический могырым 92% ямде. Корно 7 километр кужытан. Волжскышто опорныйлан шотлалтше илыме вер семын еҥ-влакын илыш качествыштым саемдыме показатель дене корным тӧрленыт. Тений 2,5 километр кужытышто пашам шуктеныт. Волжск Марий Элыште кугыт дене кокымшо олалан шотлалтеш. Тушто холодильный оборудованийым ыштыше производство, мебельный компаний, шыл комбинат да моло предприятий улыт. Регионын правительствыже тудын уремжым уэмдымылан кугу тӱткышым ойыра, ончыкыжымат тиде олаште корным тӧрлаш тӱҥалыт, палдареныт «Марийскавтодорышто».