Марий Элын Вуйлатышыже Юрий Зайцев «Таза Республик» проектым илышыш пуртымо шотышто пал...
Марий Элын Вуйлатышыже Юрий Зайцев «Таза Республик» проектым илышыш пуртымо шотышто палдарен да тиде жапысе профилактике пашам иктешлен. Тиде проект жапыште республикыште 70 тӱжем утла еҥ шке тазалыкшым терген. Паша кумдаҥеш: тений тазалыкаралтыш министерстве проектым вич виктыш дене илышыш пуртен. Мобильный бригаде-влак 140 гана еҥ-влак дене лектыныт, эше кок тӱжем еҥым ешартыш тергалтмашке колтеныт. Регион вуйлатыше у направлений нергенат ойлен. «Онкопатруль» акций кок тылзыште 42 случай онкологий черым пален налаш полшен, «Кардиопатруль» акций жапыште 2 тӱжем еҥ тергалтын, тушечын 500 еҥын шӱм черым - гипертонийым, ишемический черым, аритмийым да молымат пеҥгыдемденыт. Юрий Зайцев врач, медик-волонтер-влаклан, проектым илышыш пурташ полшышо-влаклан тауштен.