У Торъял кундемысе Тошто Торъял селаште тиде кундем гыч СВО-ш шке сарзе порысыштым шукт... — 2 октября 2026 г. в 10:31:06.563
У Торъял кундемысе Тошто Торъял селаште тиде кундем гыч СВО-ш шке сарзе порысыштым шукташ кайыше, сӧй пасуэш вуйыштым пыштыше марий патыр-влакым шарнаш 29 сентябрьыште мемориалым почыныт. Мероприятийым почмаште вуйлытыше, сӧйлаште лийше ветеран-влак, вуйым пыштыше патыр-влакын родо-тукымышт да молат ойленыт, тунемше-влак вуйыштым савеныт. Селаште тыгай мемориалым почаш ойым инициативный тӱшка ыштен. Тыште Эльвира Чулкова ден Николай Широбоковын надырыштым палемдыман. Стеле-влаклан, нуным кузе вераҥдымылан проектым Николай Ивановичак ыштен. Шийвундат шагал огыл кӱлын – кок миллион утларак теҥге каен. Тыште бюджет оксамат, калык деч погымымат кучылтмо. У мемориалым Кугу Отечественный сар годсо герой-влак лӱмеш улшо шарныктыш воктенак вераҥдыме. Тидын нерген «Марий Эл» газет воза. Фото: vk.ru/gazeta_mari_el