Марий Элыште «Школа фермера» тунеммаш тӱҥалын.
Марий Элыште «Школа фермера» тунеммаш тӱҥалын. Тудым Россельхозбанк да Российын ялозанлык министерствыже эртарат. Тений конкурсым 30 еҥ эртен, ты радамыште СВО-н 8 ветеранже. Нуно Марий кугыжаныш университетын Аграрно-технологический институтыштыжо тунемаш тӱҥалыныт. Курс кок тылзат пеле шуйна, тудо теорий да практике шинчымашым уша. Участник-влак бизнесым виктарыме, маркетинг, коопераций, кызытсе жапын агротехнологийже-влак дене палыме лийыт. Фермерын школжо Марий Элыште кудымшо гана эртаралтеш, тунеммаш декабрь марте лиеш.
139 просмотров