270 утла уна, 25 концерт номер да 8 регион: Москошто Марий тӱвыра кече эртен.
270 утла уна, 25 концерт номер да 8 регион: Москошто Марий тӱвыра кече эртен. Тудо Москосо калык-влакын пӧртыштышт эртен. Пайрем Российысе калык-влакын икоян улмо идалыкыштлан пӧлеклалтын. Пайремыш 270 еҥ толын, нунын кокла гыч 65-ше - студент да Москошто тунемше самырык-влак. Уна-влакым 25 концерт номер, 9 тӱрлӧ мастер-класс (тӱрлымаш, тодмаш, муро, куштымаш, модыш-влак), ончер, «Марий Элысе тӱвыра код» шанче йыргешке ӱстел вученыт. Пайрем Марий Эл Республик Вуйлатыше полшымо дене эртен. Тыгак тудым эртараш полшеныт: Россий Президент пелен Марий Эл Республикын представительствыже, Марий Элын тӱвыра, печать да калык-влакын пашашт шотышто министерстве, "Землячество Марий Эл" РОО, "Марийцы России" ФНКА, Моско олаште Калык-влакын пӧртышт, Моско олан администрацийже.