Марий Элыште шыже призыв тӱҥалын.
Марий Элыште шыже призыв тӱҥалын. Марий Элын военный комиссарже Кирилл Солодовник пресс-конференцийым эртарен. Ойлымыж почеш, кум тылзе жапыште, октябрь гыч декабрь мучаш марте, мемнан республик гыч службым эрташ 700 утла еҥ кая. Икымше тӱшкам шушаш шуматкечын, 10 октябрьыште, наҥгаят. Военный комиссариат-влакын пашаштышт автоматизаций пура, кызыт повесткым ончычсо семын колтат, тыгак «Кугыжаныш услуго» порталыште уведомлений толеш. Марий Эл гыч шанче подразделенийлаш каяш кумылан-влакат улыт. Нуным вузлаште, тыгак сарзе комиссариатлаште ойырат. Призывник да нунын ача-авашт службым эртыме шотышто «шокшо линийыш» йыҥгыртен, шке йодышыштым пуэн кертыт. Тудо 8 октябрь гыч пашам ышта, номер: 45-03-98.
139 просмотров