Вес ийын мемнан кундемыште йоча-влаклан вич культурно-просветительский рӱдер почылтеш.
Вес ийын мемнан кундемыште йоча-влаклан вич культурно-просветительский рӱдер почылтеш. Россий тӱвыра министерстве конкурсым иктешлен. Тыгай рӱдер-влак Марий Элыште С. Чавайн лӱмеш калыкле книгагудышто, Ким Васин лӱмеш Шернур рӱдӧ книгагудышто, Оршанке районысо Марково тӱвыра пӧртыштӧ, М. Степанов лӱмеш Морко тӱвыра да каныме рӱдерыште, Т. Евсеев лӱмеш Калыкле тоштерыште. Чылаже федерал бюджет гыч 19 миллион теҥге субсидий ойыралтеш. Тиде окса дене тӧнежлаште йоча да самырык-влаклан программым эртараш верым келыштарат. Конкурс «Еш» нацпроект дене келшышын эртаралтын. Медведево районысо рӱдӧ клуб системе эн сай практикылан конкурсышто сеҥен, тудлан 3 миллион наре теҥге окса полыш ойыралтеш.
67 просмотров