Эрик Сапаев лӱмеш опер да балет театрын тӱҥ дирижержо, композитор Григорий Архиповын ус...
Эрик Сапаев лӱмеш опер да балет театрын тӱҥ дирижержо, композитор Григорий Архиповын усталык касше филармонийын сценыштыже эртаралтын. Григорий Архипов республикыште палыме да лӱмлӧ еҥ. Тудо ятыр спектальлан, фильмлан музыкым воза, тудын семже марий шӱлышан. Тидын дене пырля опер да балет театрыште тӱҥ дирижер семын ятыр постановкым виктара. Тений шыжым Эрик Сапаев лӱмеш театр сымыктыш тӱняште тыршыше да пагалымашым сулышо-влак дене вашлиймашым эртара. Тыге, 31 октябрьыште опер да балет театрын тӱҥ режиссержо Сергей Шепелев, 11 ноябрьыште «Марий Эл» кугыжаныш куштышо ансамбльын вуйлатышыже-влак Елизавета ден Александр Селивановмытын. 20 ноябрьыште опер да балет театрын дирижержо Александр Андриянов дене вашлийымаш лиеш.
66 просмотров