Йошкар-Оласе клинический эмлымверыш кӱкшӧ технологиян у оборудованийым - 98 миллион утл...
Йошкар-Оласе клинический эмлымверыш кӱкшӧ технологиян у оборудованийым - 98 миллион утла теҥгеаш ангиографым налыныт. Тудлан шийвундо республикысе бюджетше гыч ойыралтын. Марий Эл Вуйлатыше Юрий Зайцевын палемден, тиде аппарат республиклан поснак кӱлешан, молан манаш гын, шӱм-вӱргорно чер колымашын тӱҥ амалже лийын кодеш. У аппарат врач-влаклан вӱргорным ужаш, патологийым пален налаш да илышлан кӱлешан операцийым чын эртараш полша. Тиде паша «Продолжительная и активная жизнь» нацпроект дене шукталтеш. 2013 ийыште шындыме ончычсо аппарат тоштемын. Кызыт эше ик установко уло, туге гынат, эмлымверлан эн шагалже кок тыгай установко кӱлеш — ынде базым вияҥдыме. Республикын бюджетше гыч операционныйым олмыкташ 6,5 миллион теҥгем ешарен ойыреныт.