Марий Эл гыч представитель-влак «Знание.Премия — 2026» эксперт советыш пуреныт.
Марий Эл гыч представитель-влак «Знание.Премия — 2026» эксперт советыш пуреныт. Тиде - Марий кугыжаныш университетын самырык политике шотышто проректоржо Анастасия Кузнецова ден декан Сергей Журавлев. Российысе «Знание» обществе элнан чыла кундемже гыч 381 еҥым эксперт советыш чумырен. Нуно 17 номинацийыште федеральный шорт-листым чумыраш да кажне субъект гыч эн сай просветительым да просветительский проектым ойыраш тӱҥалыт. «Знание.Премия» - тиде Российыште эн кугу просветительский наградылан шотлалтеш. Тудым 2021 ийыште «Знание» обществе негызлен. Наградым туныктышо, лектор, автор, шанчым калык коклашке шаркалыше, блогер да моло просветитель пашаеҥ-влаклан, тыгак тӱрлӧ сферыште просветительский проект ден компаний-влаклан пуат.
33 просмотров