ГЭР БАЙДАЛДА ҮЗЭГДЭДЭГ УШАРНУУДЫЕ БА ЁhО ЗАНШАЛЫЕ АЖАГЛАЯ. — 20 августа 2026 г. в 07:41:06.163
ГЭР БАЙДАЛДА ҮЗЭГДЭДЭГ УШАРНУУДЫЕ БА ЁhО ЗАНШАЛЫЕ АЖАГЛАЯ. Гэрэй үүдэн ханхинабал-муу юумэ,гай тодхор,аюул осол зүгнэнэ. Гэрэй үүдэнэй богоhо дээр hуужа болохогүй-хани нүхэрэйнгөө үүдэ хаана гээшэш, ондоо нүхэртэй, hамгатай болохые зүгнэнэш. Гэрэй богоhын хоер тээhээ бү мэндэшэлэ, бү хөөрэлдэ, бү шиидхэ-муу хэлэ аман болохо, хэрэлдэхэ. Богоhын досооhоо газаашань хүндэ юумэ бү үгэ, бү hарбай-гарза гаралга болохые зүгнэнэ. Гэрhээ гарахадаа богоhо дээр гэшхээд, бү гара-hанагдаагүй элдэб hаад болохо. Үүдээр шагаагаад угаадhа, уhа бү сасагты-hайн юумэн орохоёо байгаа hаа болёод,муу юумэн гэртэ орохо. Хүнэй урдаhаа үнэhэ, шорой бү гаргагты-eрэhэн хүндэ муу,тодхорто дайруулха. Гэртэнь аха зоной орожо ерэхэдэ hуужа байбал, заалhаа мэндэшэлэн бодохо ёhотой-энэ хүнииe хүндэлhэнэй тэмдэг. Айлшанай мордоходо, малгайгаа үмдэн гаража шиидхэдэг юм. Бурхан тахил руу, хүн руу hүхэ, хутага, шүбгэ, хайша мэтые эреэрынь, үзүүрээрынь табижа болохогүй-хорюултай. Шоройгоо дутуу ядуу хамадаг үхин-соохор али барагар нюуртай нүхэртэй болохо.