Аша зээнэртэеэ, хүүгэдээрээ сээжэлдэгты!
Аша зээнэртэеэ, хүүгэдээрээ сээжэлдэгты! Дондог Улзытуевай хүүгэдтэ зорюулhан шүлэгүүдые толилноб, хэрэгсээhэн зон абагты. Эндэ hая багахан, хүүгэдтэ хэлүүлхээр шүлэгхэнүүд олдодоггүй гэлдэнэд hэн. Һ, өө ба ү абяануудые үгүүлүүлжэл, дабтуулжал байхаар гоёхон шүлэгүүд байна. Сай "А" үзэг - эрдэмэй дээжэ, Аяга сай - эдеэнэй дээжэ. Һүтэй сайгаар хүндэлнэб, Һүрхэй зохид ундан лэ. Тогоон сооһоо аягалаад, Ногоон сайгаа ууя даа. Таабай шэнгеэр дабшалаад, Табхайлдажа һууя даа. Янгар Хон - хон дуутай, Хондолой дээрээ дэгээтэй, Янгар нохой янгууша, Янгуушаш һаа ангууша. Үргэн таладаа гарахадаа, Үрхэ зумбараа агнадаг. Намнаад барижа ядахадаа, Намаяа хараад гангинадаг. Муура - Муура, муура, муурахан, Муулартайхан һууналши. Мяа-уу, мяу-уу, мяу - уу - гээд, Гунигтайгаар дууланалши. Уйдажа эндэ һуунгүйгөөр, Урилдажа һаатая. Намаяа хүсөөд турша даа, Намналсажа наадая. Шуушы эшэгэн Ядагар хоёр эбэртэй, Яһала дорюун хэбэртэй, Үргэн дороо һахалтай, Түргэн жороо гүйдэлтэй, Шугы соогуур шургааша, Шуран солбоор һүрөөшэ Шуумар гэгшын хэн бэлэй? Шуудагархан шугшыл даа. Яһан хатуу эбэрээрээ Яс гэтэр мүргэлдөөд, Яһала шамай айлгадаг, Ябаһан бүгэды сошоодог, Хашаа дээгүүр харайдаг, Хапуустаяа зулгаадаг, Енгүүтэйгээр бархирдаг, Ехээр зантайнь хэн бэлэй? - Елэгэр харахан шуушыл даа! Мөөдэй Мөө, мөө мөөдэйхэн, Өө, өө мөөдэйхэн. Хибэдэһэеэ хибэнэш, Жэмэр - жэмэр жажалнаш. Абгайтаяа хоюулан Адуулхаяа гарахабди. Амтан һүмбэй суглуулхыш Абгайтаяа харахабди. Зөөлэн мээмээ амтатайл, Зөөхэй үшөө амтатайл. Уураг һүмбэй уухабди, Ундаа харяан һуухабди. Һаа, һаа мөөдэйхэн, Һаагаад үзэһүү шамайгаа. Бүүр, бүүр мөөдэйхэн, Бү хайрыш намайгаа.