Сабантуйны сагынып һәм көтеп алабыз без. Ел да гөрләтеп, күңелле итеп үткәрәбез. Быел... — 11 июня 2026 г. в 19:30:57.597
Сабантуйны сагынып һәм көтеп алабыз без. Ел да гөрләтеп, күңелле итеп үткәрәбез. Быелгы Сабантуйны Россия халыкларының бердәмлеге елына багышлап, мари, рус, башкорт, татар телендә балаларны милли бәйрәм белән котладык. Бәйрәмебез Сабантуй турында шигырьләр, матур дәртле җырлар, кызыклы уеннар белән үрелеп барды. Сөлгеләр, бүләкләрдән колгабыз сыгылып торды. Әти-әниләргә, бакчабызның хезмәткәрләренә бик зур рәхмәт. Быелгы Сабантуй бик бай, юмарт булуы белән сөендерде: бүләкләр дә, тәмле кәнфитләр дә мулдан булды. Ат чабышы, капчык киеп сикерү, губка белән су ташу, кашыкка күкәйне салып йөгерү, тоннель аша чыгу, "Дуслык" каруселендә әйләнү - барысы да бик күңелле булды. Кызларыбызның, көянтәгә чиләкләр асып, су ташуларына кызыгып, малайлар да сер бирмәделәр: көянтә-чиләкләр тотып, кызлар артыннан йөгерделәр. Малайларыбыз әзрәк көрәшеп тә алдылар. Бакчабызның батыры булып Артем Рязанов калды. Артем, "бәрәнен" җилкәсенә куеп, алкышлар астында, мәйданны әйләнде. Дәртле көйләргә бии-бии, кәнфитләр дә җыйдык. Менә шулай бик күңелле ял иттек!