МБДОУ «Центр развития ребенка-детский сад #3 «Чебурашка» с. Сунтар
Лайфстайл · 26 марта 2026 г.
*Сунтаарга IV Өрөспүүбүлүкэтээҕи төрөппүт сугулаана үрдүк таһымҥа ыытылынна.* — 26 марта 2026 г. в 10:28:58.178
*Сунтаарга IV Өрөспүүбүлүкэтээҕи төрөппүт сугулаана үрдүк таһымҥа ыытылынна.* 🔹️🔹️🔹️Сунтаар сэлиэнньэтигэр IV Өрөспүүбүлүкэтээҕи төрөппүт сугулаана бэлиэтик, үрдүк таһымҥа ыытылынна. Бу кэрэ тэрээһин оҕону сахалыы иитиигэ, төрөөбүт тылы харыстааһыҥҥа уонна дьиэ кэргэн, уһуйаан, оскуола ситимин бөҕөргөтүүгэ аналлаах улахан түмсүү буолар. Мунньахха кыттыыны ылбыт улуус баһылыга Анатолий Григорьев бэйэтин этиитигэр төрөппүт уонна оҕо үөрэҕин тэрилтэлэрин ыкса ситимнээх үлэлэринэн эрэ үүнэр көлүөнэ сахалыы тыыннаах, ийэ тылларын таптыыр, харыстыыр дьон буолан тахсарын бэлиэтээн эттэ. Кини бу эппиэтинэстээх, ыарахан да буоллар барытыгар эрэллээх үлэни ыыта сылдьар дьоҥҥо – төрөппүттэргэ, иитээччилэргэ уонна учууталларга – дириҥ махталын эттэ, инники үлэлэригэр ситиһиилэри баҕарда. Тэрээһин чэрчитинэн кыттааччылар сугулаан соруктарын тула киэҥник кэпсэттилэр, оҕо сахалыы саҥатын сайыннарыы, тылы байытыы ньымаларын туһунан уопут атастастылар. Сугулаан биир сүрүн киэргэлэ – көхтөөх төрөппүттэр оҕо иитиитигэр аналлаах бырайыактарын, оҥоһуктарын быыстапката буолла. Манна төрөппүттэр бэйэлэрин айымньылаах үлэлэрин көрдөрөн, атын дьоҥҥо холобур буолуохтаах үгүс саҥа ньымалары сүбэлээтилэр. _Сунтаар улууһун дьаһалтатын пресс-сулууспата_